DBH

Berriro ere fase finalerako sailkatuak

Aurten ere jubenil neskak estatuko txapelketara sailkatzea lortu dute. Pozuelon jokatutako sailkatze fase batean Benalmadenari eta etxeko taldeari gailendu ostean azken txapelketa jokatzeko txartela lortu zuten. Horrela bada, Iban Lorentek gidatutako taldea bigarren urtez jarraian egongo da estatuko zortzi talde hoberenen artean. Zorionak!

Antzerki topaketan sarituak

Beste urte batez, Donostiako Gazte Antzerki topaketara aurkeztutako Lizeoko bi taldeak sarituak izan ziren. Itsaso Garzonek zuzendutako taldeak Geomimotria antzezlanarekin eszenaratze onenaren saria lortu zuten. Naiara Mujikak zuzendutako taldeak Atzera Begirada antzezlanarekin ikusleen saria eta talde artistikorik onenaren saria lortu zituzten. Bejondeizuela!

ANTZERKI SARIAK

Futboleko kopa txapelketak

Ekaineko lehenengo asteburuan futboleko maila desberdinetako finalak jokatu ziren. Bertan Santo Tomas lizeoko bi taldek parte hartu zuten eta garaile atera ziren.

Goizean, 1. Infantil mailako kopa jokatu zen Usurbilen. Gure ikastolako 2.DBH.ko mutilak Tolosaren aurka aritu ziren eta partidua bana berdindu ostean penalti jaurtiketetan 5-4 irabazi zuten.

Coltanaren gatazka Congon

3. DBHko ikasleek, Social Sciences gaiaren barruan, ikasturte amaierako proiektu bezala, beste ikastola batzuekin batera, ALBOAN Gobernuz Kanpoko Erakundearen kanpainarekin bat egin dute. Kanpaina honen helburua gatazka mineral deiturikoen gaineko kontzientziazioa bultzatzea da. Arazo honek eragin larria dauka Kongoko biztanleengan, eta hauek laguntzeko, ALBOAN sakeleko telefono zaharren bilketa sustatzen ari da. Honenbestez, 3. DBH-ko ikasleek kanpaina hau 1. eta 2. DBH-ko ikasleei aurkeztuko diete, bilketa DBH-n soilik egingo baita, ikasturtea amaitu bitartean.

Orriak

Subscribe to RSS - DBH